निष्पक्ष र विश्वसनीय खबरको सँगालो 
Khabar Punja
२५ कार्तिक २०८१, सोमबार
पोखरा । गण्डकी प्रदेशका निवर्तमान आन्तरिक मामिला मन्त्री डोवाटे विकले विपद् व्यवस्थापन, शान्ति सुरक्षा र विकासमा यथासक्य प्रयास गरेको उल्लेख गरेका छन् । मन्त्रालयमा सोमबार आयोजित विदाई कार्यक्रममा विकले आफूले इमानदारिताका साथ जिम्मेवारी निर्वाह गरेको भन्दा समग्रमा कार्यकाल सफल भएको बताए ।
विक २०७८ असोज २५ गते विना विभागीय मन्त्रीमा नियुक्त भएका थिए । उनले पुस १४ गते मन्त्रालयको जिम्मेवारी पाएका थिए ।
‘नयाँ संरचना, नयाँ मन्त्रालयको जिम्मेवारी बहन गर्ने क्रममा जनता प्रति कति उत्तरदायी र बफादार हुन सकियो भन्ने कुरा आगामी दिनले बताउँला, यो १५ महिनाको अवधिम मैले जिम्मेवारी पाएको मन्त्रालयबाट विपद् व्यवस्थापन र प्रदेशको शान्ति सुरक्षा,विकास निर्माणमा यथासक्य प्रयास गरेको महशुस गरेको छ,’ उनले भने ।
विकले आगामी जीवन पनि राजनीति र समाजसेवामा नै अर्पण गर्ने प्रतिबद्धता जनाएका छन् ।
