निष्पक्ष र विश्वसनीय खबरको सँगालो 
Khabar Punja
१० असार २०८१, सोमबार
काठमाडौं । विश्वकप लिग २ अन्तरगत त्रिकोणात्मक शृङ्खलाको पहिलो म्याचमा नेपालले उत्कृष्ट सुरुवात गरेको छ । टस हारेर पहिलो ब्याटिङमा निम्त्याइएको नेपालका लागि ओपनिङ जोडी आसिफले शेख र कुशल भुर्तेलले शतकीय साझेदारी गरेका छन् ।
यो समाचार बनाउँदासम्म नेपालले बिना विकेट क्षति १०८ रन बनाएर खेलिरहेको छ । ओपनर आसिफ शेखले उत्कृष्ट ब्याटिङ गर्दै अर्धशतक बनाएका छन् । उनले ४७ औँ बलमा छक्का प्रहार गर्दै आफ्नो अर्धशतक पुरा गरेका हुन् ।
अर्को इन्डबाट कुशलले आसिफलाई साथ दिइरहेका छन् । उनले पीएनजीका ब्याट्सम्यानबाट दुईपटक जीवनदान पाएका थिए । यसअघि यूएईमा जारी शृङ्खलाको अन्तिम म्याच चोटका कारण खेल्न नपाएका कुशलले घरेलु मैदानमा कमब्याक गरेका हुन् ।
