निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
दमाैली । तनहुँको आँबुखैरेनी गाउँपालिकालाई पूर्ण खोप सुनिश्चित घोषणा गरिएको छ । १६ महिनादेखि ५९ महिनासम्मका सबै बालबालिकाले खोप लगाएको सुनिश्चित भएपछि गाउँपालिकालाई मङ्गलबार पूर्ण खोप सुनिश्चित घोषणा गरिएको हो ।
गाउँपालिकाका अध्यक्ष शुक्र चुमानले पालिकालाई पूर्ण खोप सुनिश्चित घोषणा गरेका हुन् । स्वास्थ्य कार्यालयका प्रमुख शङ्करबाबु अधिकारीले चुमानलाई प्रमाणपत्र हस्तान्तरण गरे । सो अवसरमा चुमानले पूर्ण खोप सुनिश्चित घोषणालाई दिगोपना बनाउनेतर्फ ध्यान दिने बताए ।
पालिकाका छ वटै वडाका ६ सय ९९ बालबालिकाले पूर्ण खोप पाएको गाउँपालिकाका स्वास्थ्य शाखा प्रमुख अगमराज उपाध्यायले जानकारी दिए । उनका अनुसार खोप नपाएको भए घरघरमै पुगेर सर्वेक्षण गरिएको थियो । त्यसक्रममा दुई जना छुटेको पाइएको र उनीहरुलाई पनि खोप लगाइएको थियो ।
