निष्पक्ष र विश्वसनीय खबरको सँगालो 
Khabar Punja
२८ कार्तिक २०८१, बिहीबार
दमाैली । आँबुखैरेनी गाउँपालिकाले टेम्पोको भाडादर निर्धारण गरेको छ । जेठ २१ गते बसेको गाउँपालिका टेम्पो भाडा दररेट निर्धारण समितिले गाउँपालिकाभित्रका विभिन्न रुटमा चल्ने टेम्पोको भाडादर निर्धारण गरेको हो ।
कार्यालयबाट टेम्पो सञ्चालकहरुले रुट इजाजत लिई गाउँपालिकाका विभिन्न स्थानसम्म टेम्पो सञ्चालन गर्दै आएका छन् ।
आँबुखैरेनीचोकदेखि गाउँपालिकाकासम्म रु २०, आँबुखैरेनीचोकदेखि गोरखा पुलसम्म रु २०, आँबुखैरेनीचोकदेखि ढापटारसम्म रु ३०, आँबुखैरेनीचोकदेखि सहकारी टोलसम्म रु ३०, आँबुखैरेनीचोकदेखि ढकालटार गेटसम्म रु ४०, आँबुखैरेनीचोकदेखि पानीघट्टासम्म रु ३०, आँबुखैरेनीचोकदेखि ऐनापहरासम्म रु ३०, आँबुखैरेनीचोकदेखि नारीघाटसम्म रु ४०, आँबुखैरेनीचोकदेखि खानीखोलासम्म रु ५० र आँबुखैरेनी चोक चक्रपथ मार्गसम्म रु ३० भाडादर कायम गरिएको छ ।
विद्यार्थी र अपांगहरुको हकमा २५ प्रतिशत छुटको व्यवस्था गरिएको छ ।
