निष्पक्ष र विश्वसनीय खबरको सँगालो 
Khabar Punja
५ आश्विन २०८१, आईतवार
दमौली । ऑबुखैरेनी गाउँपालिका-३ चिसापानीका दुई वर्षीय सोपनिल सुनारी बोन म्यारो क्यान्सरबाट पीडित छन् । साइमन सुनारी र भवानी सुनारीको छोरा सोपनिल केही समयदेखि क्यान्सरबाट पीडित भई उपचाररत छन्।
घरको आर्थिक अवस्था कमजोर हुँदा उनको उपचारमा समस्या भएको छ । हाल उनको नेपाल क्यान्सर अस्पताल ललितपुरमा उपचार भइरहेको छ । हालसम्म लाखौ खर्च भइसकेको र उपचारका लागि आर्थिक अभाव भएको निजका आमा भवानी विकले बताइन् ।
उनले भनिन्, ‘छोराको उपचारले भएको पैसा सकियो, सबैले सहयोग गरिदिए छोराको उपचार गर्न पाउँथ्यौ ।’
ऑबुखैरेनी गाउँपालिकाले निज बालकको उपचारमा सहयोग पुर्याउन आग्रह गरेको छ।
ऑबुखैरेनी-३ का वडा सदस्य मनोजकुमार श्रेष्ठले सबैको स-सानो सहयोगले बालकको ज्यान बच्न सक्ने भएकाले सहयोग गर्नका लागि अपिल गरेका छन् ।
बालकका आमा भवानी विकको बैंक खाता विवरण
