निष्पक्ष र विश्वसनीय खबरको सँगालो 
Khabar Punja
२१ मंसिर २०८२, आईतवार
दमौली, २१ मंसिर । तनहुँमा शनिबार दुई छुट्टाछुट्टै मोटरसाइकल दुर्घटना हुँदा तीनजना घाइते भएका छन्। शनिबार साँझ करिब ५ः५० बजे बन्दीपुर गाउँपालिका–५ ढाबस्थित पृथ्वीराजमार्गमा डुम्रेबाट आँबुखैरेनीतर्फ जाँदै गरेको लु २८ प ७१६३ नम्बरको मोटरसाइकल अनियन्त्रित भई सडकछेउको डिभाइडरमा ठोक्किदा दुईजना घाइते भएका छन्।
दुर्घटनामा मोटरसाइकल चालक देवघाट-२ का २३ वर्षीय झक बहादुर थापा र सवार मध्यबिन्दु–९ नवलपरासीकी २२ वर्षीया देउ कुमारी रेश्मी घाइते भएको प्रहरीले जनाएको छ । दुवै जनालाई प्रारम्भिक उपचारका लागि मोती अस्पताल, डुम्रे लगिएको र थप उपचारका लागि सिएमसी भरतपुर, चितवन पठाइएको जिल्ला प्रहरी कार्यालयले जनाएको छ ।
यस्तै शनिबार राति करिब १०ः४० बजे बन्दीपुर गाउँपालिका–४ बिमलनगरस्थित पृथ्वीराजमार्गमा डुम्रेबाट आँबुखैरेनीतर्फ जाँदै गरेको ग १२ प ५८८५ नम्बरको मोटरसाइकल अनियन्त्रित भई सडकमा पल्टिदा चालक घाइते भएका छन्। दुर्घटनामा गोरखाको पालुङटार नगरपालिका-७ गोरखाका २८ वर्षीय सन्तोष सुनार घाइते भएका छन् ।
