निष्पक्ष र विश्वसनीय खबरको सँगालो 
Khabar Punja
२ असार २०८३, बुधबार
दमाैली । ऋषिङ गाउँपालिकाले ११२ औं अन्तर्राष्ट्रिय नारी दिवसको अवसरमा खुल्ला महिला निबन्ध र लोकगीत प्रतियोगिता गर्ने भएको छ । ‘सामाजिक न्याय र लैङ्गिक समानता ः दिगो विकासको सुनिश्चितता’ विषयमा गाउँपालिकास्तरीय महिला खुल्ला निबन्ध प्रतियोगिता तथा महिला लोकगीत प्रतियोगिता हुन लागेको हो ।
फागुन २३ गते हुने महिला निबन्ध प्रतियोगितामा प्रथम हुनेलाई रु दश हजार, द्वितीय हुनेलाई रु सात हजार, तृतीय हुनेलाई रु पाँच र सान्त्वना हुनेलाई रु तीन हजार प्रमाणपत्र प्रदान गरिने गाउँपालिकाका प्रवक्ता विजय दरैले जानकारी दिए ।
यसैगरी फागुन २४ गते हुने लोकगीत प्रतियोगितामा प्रथम, द्वितीय, तृतीय र सान्त्वना हुनेलाई क्रमशः रु १५ हजार, रु दश हजार, रु सात हजार र तीन हजार र प्रमाणपत्र प्रदान गरिनेछ ।
