निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
काठमाडौ । स्पेनिस ला लिगा क्लब सेभिल्ला युरोपा कपको क्वाटर फाइनलमा प्रवेश गरेको छ । बिहीवार राति भएको खेलमा इटालियन सिरि ए क्लब रोमालाई पराजित गर्दै सेभिल्ला युरोपा लिग फुटबलको क्वाटर फाइनलमा प्रवेश गरेको हो ।
सेभिल्लाको घरेलु मैदानमा १० खेलाडीमा समेटिएको रोमा २-० ले हराएको थियो । रोमा खेलको इन्जुरी समयमा १० खेलाडीमा समेटिएको थियो ।
खेलको २१ औं मिनेटमा सर्जियो रेगुईलनले सेभिल्लालाई अग्रता दिलाए । उनले एभर बनेगाको पासमा गोल गर्दै घरेलु टोलिलाई १-० गोलको अग्रता दिलाए । त्यस्तै पहिलो हाफ सकिन एक मिनेट बाँकी रहँदा यूसुफ एन नेसरीले गोल गर्दै सेभिल्लाको अग्रता दोब्बर पारे । उनले लुकास ओकाम्पोको पासमा गोल गर्दै घरेलु टोलिलाई पहिलो हाफमा २-० को अग्रता दिलाए ।
खेलको इन्जुरी समयमा रोमाका गिएन्लुका मन्सिनिले रातो कार्ड खादै मैदानबाट बाहिरिएपछी रोमा १० खेलाडीमा समेटिएको हो । दोस्रो हाफमा भने दुबै टोलिबाट कुनै गोल हुन नसक्दा खेल सेभिल्लाले २-० गोलले जितेको हो । यी दुईबीचको पहिलो लेग कोरोनाले प्रभावित बनेको थियो । सेभिल्ला युरोपा लिगको पाँच पटकको च्याम्पियन समेत हो ।
