निष्पक्ष र विश्वसनीय खबरको सँगालो 
Khabar Punja
१७ माघ २०८१, शुक्रबार
पोखरा । पोखरा महानगरपालिका–१८ चिसाखोलास्थित पिकअप भ्यान सडकबाट तल खस्दा एक जनाको मृत्यु भएको छ भने दुई जना घाइते भएका छन् ।
आज बिहान सवा नौ बजे मेथलाङबाट बाग्लुङ बसपार्क आउँदै गरेको ग ३ च २६०३ नम्बरको दूध बोक्ने पिकअप भ्यान २० फिट तल खसेको थियो । कास्की प्रहरीका अनुसार चालक पोखरा–१८ ग्यारजाती बस्ने ४९ वर्षीय कृष्णबहादुर थापाको उपचारका क्रममा मृत्यु भएको हो ।
घाइते थापालाई उपचारका लागि शिक्षण अस्पताल लगिएको थियो । सोही क्रममा चिकित्सकले मृत घोषणा गरेको प्रहरीले जनाएको छ । यस्तै, सोही ठाउँकी ६९ वर्षीया हिमकला थापा र ७० वर्षीया चन्द्रकला थापा घाइते भएका छन् । उनीहरूको मणसपाल अस्पतालमा उपचार भइरहेको प्रहरीले जनाएको छ ।
