निष्पक्ष र विश्वसनीय खबरको सँगालो 
Khabar Punja
१२ मंसिर २०८१, बिहीबार
पाेखरा : गण्डकी प्रदेशमा कोरोना सङ्क्रमणबाट थप तीन जनाको मृत्यु भएको छ । स्वास्थ्य निर्देशनालयले सोमबार जारी गरेको विवरण अनुसार नवलपुरको दुई र कास्कीको एक जनाको कोरोना सङ्क्रमणबाट मृत्यु भएको हो ।
नवलपुरको गैडाकोट–५ का ७३ वर्षीय कोरोना सङ्क्रमित पुरुषको कात्तिक ९ गते चितवन मेडिकल कलेजमा निधन भएको छ । उहाँमा कात्तिक ६ गते कोरोना सङ्क्रमण पुष्टि भएको थियो ।
नवलपुरको कावासोती–२ का ७७ वर्षीय पुरुषको कात्तिक १० गते बिहान मध्यविन्दु अस्पतालमा निधन भएको छ । उहाँमा कात्तिक ३ गते कोरोना सङ्क्रमण पुष्टि भएको थियो । कास्कीको पोखरा–१५ का ७८ वर्षीय महिलाको कात्तिक ९ गते राति चरक मेमारियल अस्पतालमा मृत्यु भएको हो । उहाँमा कात्तिक ८ गते कोरोना सङ्क्रमण पुष्टि भएको थियो । यससँगै गण्डकी प्रदेशमा कोरोना सङ्क्रमणबाट मृत्यु हुनेको सङ्ख्या ६६ पुगेको छ ।
