निष्पक्ष र विश्वसनीय खबरको सँगालो 
Khabar Punja
१ मंसिर २०८१, आईतवार
दुलेगौँडा : नेकपा एमालेको वडा अधिवेशन अन्तर्गत जिल्लाको ऋषिङ गाउँपालिकाको ३ वडामा शनिबार सम्पन्न भएको छ । ८ वडामध्ये शनिबार ३ वडामा सर्वसम्मत नेतृत्व चयन भएको एमाले जिल्ला कमिटि सचिवालय सदस्य हरिराज कँडेलले जानकारी दिए ।
उनका अनुसार वडा नम्बर १ मा दिपक रानाको अध्यक्षतामा २३ सदस्यीय वडा कमिटि गठन भएको छ ।
वडा नम्बर ५ मा जंगबहादुर पाटाको अध्यक्षतामा २५ सदस्यीय कमिटि गठन गरिएको छ भने उपाध्यक्षमा श्रीराज गिरी, सचिवमा राजेन्द्र नेपाली, उपसचिवमा भिमशंकर ढकाल र माया लम्साल चुनिए । पालिका अधिवेशनका लागि यो वडाबाट १९ जना प्रतिनिधी चयन भएका छन् ।
वडा नम्बर ८ मा शिव क्षेत्रीको अध्यक्षतामा १३ सदस्यीय वडा कमिटि अधिवेशनले चयन गरेको जनाईएको छ । वडा नम्बर २,४,६ र ७ मा आईतबार सर्वसम्मत नेतृत्व चयन गर्ने कँडेलले बताए । वडा नम्बर ३ मा भने सोमबार अधिवेशन हुनेछ ।
देशभर ९ कात्तिकमा हुने भनेको पालिका अधिवेशन ऋषिङमा ११ गतेलाई तय भएको छ । पालिकामा पनि सर्वसम्मत नेतृत्व चयन गर्ने तयारी छ ।
